വിട

'മനസ്സേ മറക്കുക, ഒരു വേനലിൻ-

മൃതിയിൽ പൊഴിഞ്ഞൊരു പൂവ്വിനെ

പണ്ടൊരു വാകചുവട്ടിൽ നിൻമിഴികൾ

നിറച്ചൊരു നിറമിഴികളേയും

കാലത്തിൻ കൈവണ്ടി മുന്നോട്ട് പോകുമ്പോൾ

വഴിയിൽ തനിച്ചായൊരു നിമിഷത്തെയും

ഇനിയില്ലാ നിമിഷങ്ങൾ ഒരുമിച്ചു -

കണ്ടൊരു സ്വപ്നങ്ങളും ആ സ്വരവും

മിഴികളും കാലത്തിൻ മൃതിയിലമർന്നു പോയ്

ഈ വാടിയിൽ പാറിയ ശലഭങ്ങളെല്ലാം

ദൂരെ പറന്നകന്നൊരു ദിനം

ഏകനായ് പോയ് ഞാനീ വീഥിയിൽ

ചൊല്ലിയെല്ലാവരും യാത്രാമൊഴിയെങ്കിലും

നിറഞ്ഞു പോയെല്ലാമിഴികളുമൊരുവേള

ഇനിയില്ലീ സൗഹൃദ വഴിയിലൊരൊത്തുചേരൽ

ഇനിയില്ലയീ പിണക്കങ്ങളും പരിഭവങ്ങളും

ഇനി ഉയരും ശബ്ദങ്ങളില്ല, ആരവങ്ങളില്ലയി-

നീയീവഴിയിൽ നിശബ്ദത മാത്രം മൗനം മാത്രം