കാക്ക

കാക്ക! അയ്യേ കാക്കയോ

കാ കാ ശബ്ദം കള്ളനോട്ടം

നിറം കണ്ടില്ലേ വൃത്തിയില്ലാത്തവൻ

എച്ചിൽ കൊത്തി നടക്കുന്നവൻ

ഒളിഞ്ഞുള്ള നോട്ടം കണ്ടില്ലേ

എൻ കയ്യിലിരിക്കും കിളിയെ നോക്കൂ

സുന്ദരി, വിദേശി എന്തൊരു വൃത്തി

എന്തൊരു ഓമനത്വം, മധുരശബ്ദം

മണ്ണുപുരളാത്ത കാലുകൾ നോക്കൂ

എൻ കയ്യിലിരുന്നേ കഴിക്കൂ

ഏയ്, ഇതൊരു വിഡ്ഢിതൻ വാക്യം

വിദേശി തന്നെ, നിലത്തിറങ്ങാതെ ഭക്ഷിക്കുന്നവൻ

ഈ സൗന്ദര്യം വിധേയത്വം അവൻ തീറ്റ

അതിനോടുള്ള പ്രേമം ഈ സ്നേഹം, അഭിനയം!

നീ സ്വതന്ത്രൻ വിയർപ്പൊഴുക്കുന്നവൻ

പിതൃസ്മരണകളേന്തുന്നവൻ

പക്ഷേ ഇവനൊരു വിഡ്ഢി

ഇവനറിയില്ലല്ലോ ഈ കാക്കയെ